అన్ని రంగాల మీదా గ్లోబలైజేషన్ ప్రభావం గురించి అనేకానేక వ్యాసాలు దొరుకుతాయి ..... కానీ మధ్య .... క్రింది స్థాయి ఉద్యోగుల బాధలు ..... ప్రత్యక్షంగా..... పరోక్షంగా వారి మీద పడుతున్న అదనపు భారం .... ఆ భారం వలన వారు కోల్పోతున్న కుటుంబ జీవితం .....
అన్ని రంగాలలో మార్పులు వస్తున్నా ..... బ్రిటిష్ కాలం నాటి విశేష అధికారాలు ఇంకా కొన సాగడం వలన పై అధికారులు తమ ఆనందాల కోసమే కాక తమ సతీమణుల .. కుటుంబ సభ్యుల ఆనందాల కోసం క్రింది వారిని ఎలా వాడుకుంటున్నారో .... వారిని ఎంత వేదనకు గురి చేస్తున్నారో తెలుసుకుంటే వేదనా భరిత సత్యాలు ఎన్నో బయటకు వస్తాయి . ముఖ్యంగా ఇంజనీరింగ్ విభాగాలలో ఇది మరీ దారుణంగా ఉంటుంది . ఒక కంటకుడైన రాజకీయ నాయకుడిని ప్రజలు ఓటు ద్వారా ఓడించగలుగుతున్నారు. కానీ వికృత మనస్తత్వం కలిగిన అధికారుల గురించి పై స్థాయి కి తెలియజేయగల మెకానిజం ఫీడ్ బాక్ షీట్ లాంటివి అమలులోకి తెస్తే బాగుంటుందేమో ....
అసలు మొదటి నుండీ ప్రభుత్వ శాఖలు అన్నీ ఇలానే ఉండేవా ?....... విలువలు ఎప్పుడూ అధమంగానే ఉండేవా అనే సందేహం ఈనాడు కొత్తగా ఉద్యోగాల్లోకి చేరే వారందరికీ వస్తోంది. ఒక ముఖ్యమైన సంధి దశలో అంటే గ్లోబలైజేషన్ ప్రారంభం కాక ముందు ... అయిన తరువాత ... ఉద్యోగం లో ఉన్న మా లాంటి వారికి దిగజారుతున్న విలువలు అత్యంత స్పష్టంగా కనబడుతున్నాయి . నా విన్నపం ఏమిటంటే .... రిటైర్ అయిన ఉద్యోగులు తమ తమ కాలాలలో విలువలు ఎలా ఉండేవో .... రాయగలిగితే వాటిని తిరిగి తెచ్చుకోడానికి కొంతమందైనా సమాయత్తమవుతారు. అలాగే చాలా మంది అనేకానేక ఉద్యమాలలో గడిపి .... ఉదాత్తమైన .... స్ఫూర్తిదాయక మైన జీవితాన్ని గడిపి ఉంటారు . అటువంటి వారి జీవితానుభవాలు ఈ తరానికి అందజేయవలసిన అవసరం ఎంతైనా ఉందని భావిస్తున్నాను.
ఈ పోస్ట్ కు వచ్చే స్పందన బట్టి పేస్ బుక్ లో ఒక పేజ్ ఓపెన్ చేస్తాను . ఇంకా ఎవరైనా మంచి సలహాలు ఇవ్వగలరని ఆశిస్తాను.
కామెంట్‌లు లేవు:
కామెంట్‌ను పోస్ట్ చేయండి