నిజం .... ఇప్పుడొస్తున్న సినిమాలలో ఇది ఉత్తమమైనదే ......
ఇదేమీ పారలల్ సినిమా కాదు ..... వ్యాపారాత్మక చిత్రమే .... కానీ ఆరోగ్యపరమైన వ్యాపారం ....
మంచి మందుల తయారు చేసి వ్యాపారం చేయవచ్చు ..... కానీ లాభాలు తక్కువ ఉండొచ్చు .... కల్తీ మందులమ్మి కూడా వ్యాపారం చేయవచ్చు . దీంట్లో లాభాల శాతం ఎక్కువుండొచ్చు. కానీ ఇది మొదట చెప్పిన తరహా వ్యాపారం.
ఎలా ......
కుటుంబాన్ని చక్కగా నడిపిస్తున్న కెప్టన్ లాంటి తండ్రి .....
తనకున్న వనరులని చక్కగా వాడుకునే వాడే మంచి కెప్టెన్ అవుతాడన్నది అందరికీ తెలిసిన విషయమే .... తను నిరంతరం శ్రమ పడడమే కాకుండా తనకున్న వనరులతో తను ఆనందంగా ఉండగలగడం కాకుండా తన కుటుంబాన్ని కూడా ఆనందంగా ఉంచగలిగే నేర్పు కూడా ఉన్నవాడు . తనకున్న ఆర్ధిక పరిమితులు తెలుసుకోవడమే కాకుండా తన కుటుంబం మొత్తం ఆ పరిమితుల లోపల ఆనందించేలా చేయడానికి ఈ రోజుల్లో చాలా నేర్పు కావాలి .... ఆ లక్షణాలు ఉన్నవాడిని హీరోగా చూపించారు కాబట్టి ఇది మానసిక ఆరోగ్యాన్నిచ్చేదే .....
ఇతడికి పెద్ద పెద్ద సిద్దాంతాలు తెలియవు కానీ ఎదురుగా కనబడే చిన్న చిన్న అన్యాయాలు ఎదుర్కునే .... ఎదుర్కోగలిగే పాటి ధైర్యం ఉన్నవాడు .....కాబట్టి హీరోగా చూపించారు సంతోషం ....
మితిమీరిన అంటే అత్యంత అసహజమైన తెలివితేటలు ..... ఆలోచనా ధోరణి ..... కలిగి ఉండి వెకిలి వేషాలు మాత్రమే వేస్తూ ..... వాటినే హీరో లక్షణా లన్నట్లు చూపించలేదు . అంతే కాదు వంశాల గురించి చేంతాడంత డైలాగ్స్ లేవు . ఒక సామాన్యుడిని హీరో చేసారు ....నేనూ ... మీరూ కూడా హీరోలవ్వొచ్చు .... కొద్దిగా మారితే. కాబట్టి సంతోషించాలి .... అభినందించాలి. ఇప్పుడు మనకు కావలిసిన ఒక ప్రధాన ఔషధం ఇదే .... కాస్త చైతన్యం పెంచుకుంటే అందరం హీరోలు కావొచ్చు ..... ఎవడో హీరో ఎందుకు ....
కుటుంబాలలో లో కూడా సంక్షోభం ఏదైనా సంభవించినప్పుడు అది మిగిలిన సభ్యులమీదకు నెట్టివేయడం చాలా పరిపాటి . కానీ పెద్దగా ఆ బాధ్యత తీసుకుని సంక్షోభాన్నుండి కుటుంబం బయట పడే వరకూ స్థైర్యం కోల్పోకుండా ఉండడం .... మిగిలిన వారిని కూడా ఉంచగలగడం .... చాలా మంచి positive attitude ...... దానిని highlight చేయడం చాలా ముదావహం. అటువంటి కుటుంబం కెప్టన్ మీద పూర్తి విశ్వాసం గల టీం లా ఉంటుంది కాబట్టి నిత్యం ఆ కుటుంబంలో ఆనందం వెల్లి విరుస్తూ ఉంటుంది.
మీడియాను కూడా సరైన పద్దతిలో వాడు కోవచ్చు .... అంతే కాకుండా సామాజిక పోరాటాలలో ఉండే వారికి మరింత మెరుగైన అవగాహన ఉంటుందని చూపించిన విధానం మెచ్చుకోతగినది.
ఈ సినిమాలో నాకు కనబడిన ఒకే ఒక negative అంశం ఏమిటంటే సాక్ష్యాలు పగడ్బందీగా ఉంటే ఎటువంటి నేరాన్నుండైనా తప్పించుకోవచ్చు అన్న ఆలోచన వక్రమార్గంలో ఉన్న వారికి catalyst గా పనికి వస్తుందేమో ..... (హీరో చాలా సార్లు" మనం తప్పు చేయలేదని నమ్ముతున్నాం కాబట్టి " అన్న డైలాగ్ వాడాడు కానీ జిహాదీలు ..... మసీదులు కూలగొట్టేవాళ్ళు ..... ఫ్లైట్స్ ని పేల్చేసే వాళ్ళు ..... ఇదంతా లోక కల్యాణం కోసమే అన్న ఆలోచన తోనే ఉంటారు )
