"ఎవర్రా ఆవిడ ?"
"అరె ... నీకు తెలియదా ?"
వేస్ట్ ఫెలో అన్నట్లు అడిగాడు మా వాడు
ఆవిడ ఇంటర్వ్యూ లో మాట్లాడుతూనే ఉంది
"ఆవిడ అమెరికాలోనో ... ఇంగ్లాండ్ లోనో పుట్టి .... పెరిగి ..... తెలుగు నేర్చుకుందా ?"
"నీ కళ్ళకు అలా కనబడుతుందా ?"
మళ్ళీ సుపుత్రుడు విసుక్కున్నాడు
"ఆవిడ ఈ ప్రోగ్రాం కు ఎందుకు వచ్చింది ?"
"నిన్న వచ్చిన నటీమణి ఎందుకు వచ్చింది ?"
ఈ వెధవకు విసుగు బాగా పెరిగిపోతోంది
"ఈవిడ మాంచి విజ్ఞాన వంతురాలేమో ?"
"కాదు సెలబ్రిటీ ..... "
"ఓహొ ... గొప్ప నటీమణా ....? "
వీడు అలా వెర్రి నవ్వు నవ్వుతాడేమిటి ? పైగా వెధవ ముఖంలో విచిత్రమైన ఫీలింగ్స్ పెడుతున్నాడు .
"అసలు క్విజ్ ప్రోగ్రాం తో ఈవిడకు ఏమైనా సంబంధం ఉందా అసలు ?"
"TRP Rating......"
"మనమంతా క్విజ్ ప్రోగ్రాం చూస్తున్నాం కదా ..... "
"ఆవిడ లాంటి వాళ్ళను చూపిస్తే ..... మరి కొంత మంది కలవడంలా ... "
"మరీ అంత కమర్షియల్ గా ఉండాలా ..... "
"ఆయన గురించి నీకు అంతగా తెలియదనుకుంటా ..... "
"తెలుసురా బాబూ .... "మనం " సినిమా మొన్ననే చూసాం కదా "
"అయితే ఇంకెందుకు ? వాళ్ళ చానల్ .... వాళ్ళిష్టం ..... అలాగే వాళ్ళ స్టూడియో వాళ్ళిష్టం వచ్చిన వాళ్ళను పెట్టి సినిమా తీస్తారు ..... వాళ్ళెలా ఉంటే నీకెందుకు .... నిన్నేమైనా బలవంతంగా చూడమన్నారా ... ఏ గతీ లేక నీవు చూసినా అది నీ తప్పే కదా "
" అలా ఏ గతీ లేకుండా చేస్తున్నదెవరంటావ్?"
హమ్మయ్య ..... మా వాడి నోరు తాత్కాలికంగా అయినా మూయించగలిగాను .
